Патăрьел муниципалитет округĕнче хĕллехи вăхăтра çул-йĕре юртан тасатса тăракан техникăна тĕрĕсленĕ. Юхмапа Пăла тăрăхĕнче çак тĕллевпе ятарлă 22 трактор-машина хатĕр. Ытти чухнехи пекех кăçал та çулсене тасатса тăрас тĕллевпе виçĕ подряд организацийĕ ĕçлет: И. Рубцова, Л. Манзуркина индивидуаллă предпринимательсем тата Р. Санзяпов индивидуаллă предпринимательпе фермер хуçалăхĕ. Тĕрĕслеве тăратнă техника пурте юсавлă, ĕçе тухма хатĕр.

Шел пулин те мĕн пур подряд организацийĕ тĕрĕслеве яваплăх туйса хутшăнман. Çул-йĕр служби водительсене руль умĕнче тимлĕ пулма ыйтать. Çул çинчи пăтăрмах чылай чухне водительтен хăйĕнчен те килнине манмалла мар.

(Хамăр корр.)