ПЕРВОМАЙСКИНЧЕ пурăнакан 11 çулхи Лев Самакин тĕлĕнмелле маттур, ĕçчен арçын ача. Ытти юлташĕсем ỹссен кам пуласси пирки шутламаççĕ те пулĕ-ха... Вăл вара çакна суйласа илнĕ. Унăн ĕмĕчĕ- ялта юлса выльăх-чĕрлĕх усрасси, пахча çимĕç çитĕнтересси. Лева ача садне çỹренĕ чухнех картишĕнчи чăх-чĕпне, хур-кăвакалне хăй пăхнă. Халĕте çаплах. Вĕсенчен пĕри те пулсан чирлесен арçын ача пĕтĕмпех канăçне çухатать. Каникулта картишĕнчи чăх-чĕпе пĕрре те куçран вĕçертмест, сăнасах тăрать. Вĕреннĕ вăхăтра вара шимп-шимпсене апатлантармасăр нихăçан та шкула утмасть

Вăл çеç те мар-ха. Вĕсене вăл кашни çул хăй пуçтарнă укçипе туянать. Паллах, ашшĕ-амăшĕ те пулăшаççĕ. Кăçал та çуралнă кунĕнче пухăннă "кĕмĕлĕпе" ытти ăпăр-тапăр е пылак çимĕç илме васкаман, пĕтĕмпех бройлер чĕпписене туяннă.