РЕСПУБЛИКĂРА сывă пурнăç йĕркине пăхăнас тĕллевпе йĕркеленĕ "ÇамрăксемÇГТО" физкультурăпа спорт мероприятийĕ районта пысăк хастарлăхпа иртсе кайнă. Мероприятие Туçа, Шăнкăртам, Сăкăт, Алманчă, Первомайски тата Нăрваш Шăхаль ял тăрăхĕсенчи 6 команда (18 - 35 çулсенчи çамрăксем) хутшăннă. Вĕсен тăватă енпе норматив тултарма тивнĕ. Ушкăнсенчен Первомайскисем чи кăтартуллисем пулнă. Иккĕмĕш вырăнта Туçа, виççĕмĕшĕнче Сăкăт ял тăрăхĕсем. Уйрăм кăтартусемпе хĕрарăмсенчен те, арçынсенчен те Первомайскисем палăрнă: И. Ляковăпа В. Ендеев пĕрремĕш вырăн çĕнсе илнĕ.