Атăлçи федераци округĕпе Китай "Атăл - Янцзы" форматпа пĕрле ĕçлесси пирки Мускавра ĕçлĕ тĕл пулу иртнĕ. ЧР Министрсен Кабинечĕн Председателĕ Иван Моторин ертсе пынă Чăваш Ен делегацийĕ Сычуань провинцин Коммунистсен партийĕн комитечĕн секретарĕн заместителĕпе Дэн Сяоганпа килнĕ ушкăнпа регионсем экономикăпа суту-илỹ енĕпе килĕштересе ĕçлессине сỹтсе явнă, регион ертỹçисем пĕр-пĕрин патне çитсе курасси, тĕрлĕ сферăра (медицинăра, вĕрентỹре тата ытти те) хутшăнса вăй хурасси пирки калаçнă.

Килĕшỹ вăхăтĕнче ЧР Министрсен Кабинечĕпе тулли мар яваплă "Сычуань Рэйлвэй Инвестмент Групп Ко., ЛТД" пĕрлешỹпе "Сычуань - Чăваш Ен" агропромышленность комплексне аталантарасси" проекта ĕçе кĕртесси пирки алă пуснă. А. ИВАНОВ