Раççей Федерацийĕн Президенчĕ Владимир Путин 2019 çулхи майăн 31-мĕшĕнче «Аэропортсене Тăван çĕршыв умĕнчи тава тивĕçлĕ ĕçсемшĕн хисепе тивĕçнĕ çынсен ятне парасси» çинчен калакан 246-мĕш номерлĕ Указ алă пуснă. Çак документпа килĕшÿллĕн Шупашкарти аэропорта икĕ хут Совет Союзĕн Геройĕ Андриян Григорьевич Николаев летчик-космонавт ятне пама йышăннă. Маларах «Раççейри паллă ятсем» конкурс ирттернĕ май Раççей çыннисем çĕршыври аэропортсене сумлă ентешсен ятне парас тĕлĕшпе сасăлава хутшăннă. Чăваш Енре сасăлава хутшăннисенчен 62 проценчĕ Шупашкарти аэропорт Андриян Григорьевич Николаев ячĕпе хисепленсе тăтăр тесе сасăланă.

А. Иванов