ÇАНТАЛĂК ăшăтса пынă май хирсемпе вăрманти юрсем туххăмрах куçран çухалса пычĕç. Пĕлтĕрхипе танлаштарсан шыв-шур хăрушлăхĕ те ун пекех пулмарĕ. Юр шывне майĕпен çĕр çăтсах пычĕ темелле. Акă, кĕçех вăрманта пĕрремĕш çеçпĕл çеçкипе пĕрлех кăтра кăмпасем те çĕр мăкăртса тухĕç. Унпа "чирлĕ" çынсем кунтăкĕсене хатĕрлеме пикеннĕ те пулĕ. Анчах çак киленĕçпе пĕрлех вăрман çимĕçĕ кирек кама та хур кăтартма пултарнине те манмалла мар. Çавăнпа пурин те асăрханмалла: ăна лайăх çуса вĕретмесĕр çиме ан васкăр!
Август 2026 |
