ПРАВОСЛАВИ тĕн йăли-йĕркине пăхăнса пурăнакансемшĕн праçниксен праçникĕ - Аслă Мăнкун типпи - пуçланиччен шутлă кунсем çеç юлчĕç. Ун умĕн пĕр эрне маларах вара çынсем Çăварни уявĕнче савăнма, пар ут кỹлнĕ капăр урхамахсемпе катаччи чупма, юрласа-ташласа савăнма, çав вăхăтрах пĕр-пĕрне çу çинче çатăртатса пиçнĕ икерчĕпе сăйлама пултараççĕ. Чылай чухне çак эрнерех ялсенче хĕле ăсатаççĕ, катемпие çунтарса çур пикене кĕтсе илеççĕ.

Кăçалхи Çăварни пуш уйăхĕн 4-10-мĕшĕсенче килет. Вырсарникун пĕр-пĕринчен каçару ыйтнă хыççăн вара тунтикун çичĕ эрнене тăсăлакан типĕ пуçланать.