Суйлав комиссийӗсен хисеплӗ членӗсем тата ӗҫченӗсем, суйлав тытӑмӗн ветеранӗсем!

 Сире професси уявӗпе – Чӑваш Республикинчи Суйлав комиссийӗсен кунӗ ячӗпе саламлатӑп! Ҫак уяв саккуна пӑхӑнса ӗҫлесси, граждансен суйлав прависене хӳтӗлесси тата демократи институчӗсене ҫирӗплетесси пурнӑҫри тӗп ӗҫ пулса тӑнӑ пин-пин ҫынна пӗрлештерет.

1995 ҫулхи утӑ уйӑхӗн 27-мӗшӗнче Чӑваш Енри Тӗп суйлав комиссийӗн пӗрремӗш ларӑвӗ пулса иртнӗ. Унтанпа пысӑк ҫул утса тухрӑмӑр, анчах та тӗп принципсем – уҫӑлӑх, саккунлӑх тата тӗрӗслӗх – пирӗншӗн улшӑнмасӑр сыхланса юлаҫҫӗ.

Республикӑн паянхи суйлав системи – кал-кал ӗҫлекен тытӑм, унӑн ӗҫне 8 пине яхӑн ҫын пурнӑҫласа пырать. Эсир чылай суйлав кампанийӗ йӗркелесе ирттернӗ – федераци шайӗнчисенчен пуҫласа муниципалитет шайӗнчисем тара­нах. Тата эсир кашни кампани вӑхӑтӗнчех хӑвӑр кирек мӗнле кӑткӑс ыйтӑва та татса пама пултаракан пысӑк ӑсталӑхлӑ ӗҫченсен команди пулнине шанчӑклӑн ҫирӗплетсе паратӑр.

Сирӗн ӑсталӑхӑра пула республикӑра пурӑнакансем хӑйсен суйламалли тата суйланмалли конституци правине туллин пурнӑҫлама пултараҫҫӗ.

Ӗҫе парӑннӑшӑн тата пысӑк яваплӑхӑршӑн сире тавтапуҫ. Пурсӑра та ҫирӗп сывлӑх, иксӗлми вӑй-хал тата Чӑваш Ен ырлӑхӗшӗн ҫӗнӗ ҫитӗнӳсем тума сунатӑп!

 Чӑваш Республикин Пуҫлӑхӗ                        Олег Николаев

Уважаемые члены и работники избирательных комиссий, ветераны избирательной системы!

Поздравляю вас с профессиональным праздником – Днём избирательных комиссий в Чувашской Республике! Эта дата объединяет тысячи людей, для которых служение закону, защита избирательных прав граждан и укрепление демократических институтов стали делом жизни.

27 июля 1995 года состоялось первое заседание Центральной избирательной комиссии Чувашии. С тех пор пройден большой путь, но основные принципы — открытость, легитимность и справедливость — остаются для нас неизменными.

Сегодня избирательная система республики — это слаженный механизм, работу которого осуществляют порядка 8 тысяч человек. Вы провели большое количество избирательных кампаний — от федеральных до муниципальных уровней. И каждый раз вы доказываете, что являетесь командой профессионалов, способных решать самые сложные задачи.

Благодаря вашему профессионализму жители республики могут в полной мере реализовать свое конституционное право избирать и быть избранными.

Спасибо за вашу преданность делу и высокую ответственность. Желаю здоровья, энергии и новых успехов на благо Чувашии!

Глава Чувашской Республики                              Олег Николаев