РФ ШĔМĕн муниципалитетсем хушшичи "Батыревский" уйрăмĕн ГИБДД пайĕнчен пĕлтернĕ тăрăх майăн 22-мĕшĕнчен пуçласа июнĕн 9-мĕшĕччен республикăра, вăл шутра Юхмапа Пăла тăрăхĕнче те "Асăрханăр! Каникул!" профилактика операцийĕ иртет. Çак яваплă тапхăрта çул-йĕр инспекторĕсем уйрăмах ачасен пурнăçĕпе, вĕсене хăрушлăхран сирессипе ытларах тимлĕç: çул çитмен ача-пассажирсене автомашинăра йĕркене пăхăнса илсе çỹрени, хăрушсăрлăх пиçиххипе çыхăнни, çул урлă ятарлă паллăпа каçнă чухне правилăна пăхăнни тата ытти те. Каникул вăхăтĕнче ачасен куçăмĕ тата ытларах пысăк. Çавăнпа та ашшĕ-амăшĕн хăйсен пепкине пĕрле илсе çỹренĕ е пĕччен чухне те çул-йĕр хăрушсăрлăх правилисене çирĕп пăхăнмалли пирки ăнлантармалла. Ку тĕлĕшпе аслисем ачасемшĕн ырă тĕслĕх пулмалла.
Апрель 2024 |