Юр сахал çунă çулсенче (сăмах май, вăл кăçал та çителĕклĕ теме йывăртарах, уйрăмах çỹллерех вырăнсенчи сад-пахчара) пĕр çулти тĕмсене кăна мар, ыттисене те, сивĕ лекме пултарать. Çавăнпа вĕсем мĕнле хĕл каçнине сăнасах тăмалла.

Хăмла çырли сивве парăнсах каймасть. Анчах ỹссе çирĕпленеймен туратсем сивĕпе пĕтме пултараççĕ. Çавăнпа тĕмсене, хунавсене пĕр-пĕрин патнелле авса çыхсан аванрах. Пĕр еннелле кăна явма та пулать. Ун пек чухне вĕсен вĕçне кỹршĕ тĕмсен тĕпне лекмелле туса çыхмалла. Туратсене ытла хытă авсан çав вырăн юр айĕнчен тухса тăнипе ăна сивĕ лекме пултарать.